[Volve atrás, ao fondo do escenario. Espera uns segundos, e volve adiante, agora núa, coas unllas vermellas e un círculo no pulso, o círculo reiterativo]
Empezo o monólogo. É un monólogo sen senso, sen pés. Ou si, con pés...Cos pés na cabeza.
Ou un diálogo, o diálogo de Eu e a miña Soidade, neste caso vermella, neste caso é il.
-Por que habitas en min? Non haberá sitios e sitios, sempre te atopo eiquí, no abdome. Entre o fígado e o páncreas.
-Estou quentiño.
-Pero non te das conta do mundo, ise de eí fóra? Estalo a perder. Por que me ocupas? Díxenlle exacerbada.Non entendía porque a soidade vermella, que no meu caso era il, sempre estaba na miña tripa.
-Hoxe pintaches as unllas.
-Si, vermellas, coma ti...E un círculo no pulso, víchelo?Houbo un silencio, e il fíxose aínda máis presente no meu fígado.
-Deixa de facerte sentir! Doésme!
-Oe, por que o círculo?
-Eres capaz de deixar de miralo? Pregunteille inquisitiva.Silencio, e eu tras il. Rompeuno: Que é o círculo? Tras un momento respondínlle:
-Estase quentiño eí.Mudou. E o círculo reiterado.
Alicia Piñeiro
Ningún comentario:
Publicar un comentario