insane

Imaxe de Alba Losada

Titubeei aquela noite, pensando na nosa creación en pura creatividade.Tremíame o corpo ao escribirche, mentres miraba baleira a botella de viño infestada de restos de hachís.


O estómago encollíaseme apresurado,

como escorregando a sensación de impaciencia,

que descendía, nerviosa,

e chegaba húmida aos meus beizos.


Arrinquei as maus incrédulas

do quente embriagador da desesperación,

e acompasada na túa respiración,

achegueinas á fonte do negro aromático

(tornou en eléctrico)

mentres a túa boca, en puro frenesí, furaba cada poro, cada terminación nerviosa.

Meu corpo, contorsionábase en si mesmo,

[Arqueaba]

en pura beleza en harmonía coa psicose,

outra vez húmida,

outra vez quente


e emanaba, sen control, o negro eléctrico.